السنه بقى أصلا التغيرات فيها كتيره وسريعه واحداث الكوڤيد محجمه حياتنا, وفى الاغلب غيرت كمان من حياتنا وتصرفتنا وأثرت على فكرنا واحتياجتنا واولويات نظرتنا ليها اختلفت..

هدوء الصبح ويوم.. خضره وسما صافية وعصافير بتزقزق من بعيد، يمام وحمام وأنواع من الطيور رايحة جاية فى السما، وساعات شوية هوا ييجوا يهزوا الشجر ويدوا حياة للورود، تتحرك شوية ويطير ورقها بالوانه فتقلق النحل ويبتدى يتنقل بطيرانه من ورده لورده.. الحرارة الزايدة فى الجو مخلية النحل يتخانق مع بعضه على الوردة الواحدة، وفى نفس الوقت عندهم نظام مفيش نحلة بتزق نحلة مفيش نحلة بتزاحم نحلة، اللى بتستنى تخلص الوردة وبتروح تقف على طرف ورقه الوردة بتاعتها حتى مع وجود النمل له نظام ايضا …

حكايه استوحتها وحاحكيها من وحى الخيال، ودى من القلائل الوقت لما الف او اكتب حكايات لان كتاباتى دايما مستوحاه من واقع واحداث وخبرات من حولى فى الحياه.

عاوزه اقعد قاعده من اقعدات زمان الناس تكون بتحب بعض مش عاوزين حاجه من بعض بيحكوا من قلبهم وبيضحكوا بجد ضحكه من القلب، طلب مش صعب خالص، ولكن مش مصدقه ان بقي فيه شيء من الصعوبة او شبه الاستحالة الفترة الي فاتت مواقف صعبه كتير شوفتها حواليه، ظروف ناس متعددة بإشكال مختلفة اوقات شديده جدا وصعبه منهم ناس قريبه ومنهم ناس بعيده.