كلمات ادم … قلمي وفكري
شعر – محمد منصور
حاجه كنت ماجل كتابتها ……ومستني
علشان قلمي مش مطاوعني….. بيبعد عني
رافض فكري وغصبآ عنه… مهو مستورد
ازاي يعني هيفهم مني……. ده متغرب
بس اهو قرب يفهم مني …..بعض كلامي
زي السايح لما بينطق….. عربي مكسر يبقي يعاني
بكتب سطر وسطر بفوت … علشان يبقي براح لكلامي
اصله خواجه مهما هيكتب…….
او هيترجم كل كلامي بالنسباله شبه معاني
و made in china بيكتب عربي
وممكن روسي او اسباني
واهو بيعاني …رافض فكري….
حتي ملامحي ومسكه قلمي مش عجباني
ليه مش مصري………?? وكل كلامي يبقي جرئ
وامسك قلمي بفخر وازخرف بيه عنواني … و ليه بنعاني
ليه بنصدر كل تراثنا القيم بره….؟؟ زي زويل وفاروق الباز
طب ليه نستورد بوتجاز او حتي القلم ابوو… لبيسه
يادوله كبيسه مفيش انتاااج …
وكل الطالع فيكي بينزل علي عكاز
يا شبه قزاز….. وكمان مكسور…….
يوم مايعدي شعاع الشمس بيكسر نوره
ولسه ياقلمي شايفني غريب….. طبعا لازم مانا مكسور
انته مجرب فكر بلادك وسط النور
بس استني عليه شويه …..
بكره هجيلك وابقي غريب في بلادك يوم …
بس غريب انسان مطرود …
او شغال في بلادكم لاجل ماعيش مستور
اقرأ للكاتب
