يوميات دينا ابو الوفا … عارفين
من أكتر الأحاسيس اللى ممكن نمر بيها و تعذبنا ، هى ان حد بنحبه يوحشنا اوى و نشتاقله اوى و عزة نفسنا و كرامتنا تمنعنا اننا نبوح بيها ……..
تبقى كلمه واحشنى على طرف لسانا و نكتمها جوانا مننطقهاش……
تبقى أيدينا بتجرى على الورقه تكتب كل كلمة شوق و لهفه مدوبانا ، و بعد ما نخلص و نقول كل اللى مخبيه قلبنا نقطع الورقه …
من خوفنا لا ضعفنا و احتياجنا يبانوا علينا ……
دموعنا تنزل….
مع كل جرة قلم و احنا بنهمس الكلام و كانهم سامعينا …
مع كل تنهيده بتخرج شايله شكوة البعد ووجع الفراق …
مع كل آه توجعنا، نلمس قلبنا و نحضنه يمكن نصبره و نطيب خاطره …
قد ايه صعب اننا نشتاق و نكتم …
نحب و منبحش …
نعشق و منقلش …
صعب …..
بس ما هى الحياه كده ، مد و جزر بين الممكن و المستحيل …
اقرأ للكاتبة :
المرأه الناضجه لا تستهويها ألعاب الأطفال …
