يوميات دينا ابو الوفا … عارفين
من الأخطاء الجسيمة اللى ممكن يرتكبها اى راجل فى الدنيا ، انه من حين لآخر يحاول اثارة غيرة امرأه بيحبها …..
و خلينا نركز فى كلمتين رئيسيتين فى الجمله دى ….
أولهم : “يحاول” لانه فعلا الموضوع لن يتعدى المحاوله التى تنتهى بالفشل الزريع ….
و الثانية : ” امرأة يحبها” وليس امرأه تحبه لان المرأه لا تقع فى حب رجل يثير غيرتها عمداً….
الحقيقه ان اغلبية النساء فى منتهى الذكاء و الدهاء ، اللى يخليهم يكتشفوا اللعبه من اول لحظه……
و غالبا كمان بيعملوا نفسهم مش فاهمين من باب انهم يسلوا وقتهم و يتفرجوا على العرض للاخر…..
لا و كمان تلاقيهم بيضحكوا فى سرهم ويصفقوا تصفيق حار من باب تشجيع الرجل على مجهوده !!!!!!
ما هو برده تعب و فكر و دبر و خطط و نفذ و مثل …ميستاهلش التشجيع !!!!!
مشكلته الوحيدة ان مره ورا مره بتبتدى المسرحيه تبقى ممله ، مفيش تجديد ، مفيش ابداع ….
المشكله التانيه : ان مفيش و لا مره هيوصل للمراد و هو انه يشوف فى عنيها الغيره او يحس جواها خوف او قلق لا سمح الله !!!!
المشكله التالته : ان المرأه القادره على التعامل بالثبات ده بتكون فى منتهى النضج الفكرى و العقلى …
فالمرأه الناضجه لا تستهويها ألعاب الأطفال …
اقرأ للكاتبة :
لم نعتاد ان نرى حملًاً فى ثوب ذئب !!!!!
