يوميات دينا ابو الوفا … عارفين
من أكتر الامثله اللى اثبتت صحتها فعلا على مر الزمن هى “إتق شر الحليم اذا غضب ” …
كتير من الناس بيرتكبوا بشكل مستمر ، خطأ فادح وهو أنهم بيستغلوا طيبة اللى قدامهم بشكل مستفز ، ويراهنوا على طولة بالهم و صبرهم ، ونفسهم الطويل اكتر من اللازم …..
و كأن اللى قدامهم دول جماد مثلا ، لا عندهم مشاعر ولا أحاسيس ، ولا هما لحم و دم و بيحسّوا ، و لا هما ليهم سقف فى قوة التحمل !!!!
بيفضلوا يتكوا .. يتكوا ، ويضغطوا ويحملوا اللى قدامهم فوق طاقتهم …..
مش بيخطر فى بالهم للحظه ، انهم بتصرفاتهم دى بيسخنوا شوية بشويه بركان مسيره ينفجر …
بركان لما يفور هيحرق كل حاجه فى طريقه ، هيدمر الأخضر و اليابس …
بلا تفكير ، بلا عقل ، بلا رحمه …
و يا عالم البركان ده هيهدى امتى …
و يا عالم كم الدمار اللى هيسيبه وراه …
اللى مؤكد ان مفيش حاجه بترجع زى ما كانت بعد البركان ….
فعلا … إتق شر الحليم اذا غضب
اقرأ للكاتبة :
