يوميات دينا ابو الوفا … عارفين
الدنيا دى فيها نوعين من الزوجات ملهمش تالت ….
النوع الاول ، هى الزوجه الواعيه ، الناصحه ، اللى فاهمه الدنيا صح ، و بتلعبها صح ، اللى بتقضيها رحرحه و نوم و تحلم بكل اللى نفسها فيه ، و تستنى جوزها يجرى هنا و هناك و يمسك العصا السحريه ويلبى جميع الطلبات …..
و تغلف ده كله بحرفنه غريبه و شطاره متناهية ، فى انها تحسس جوزها ان ده بديهى و لا يمكن بأى شكل من الأشكال ، تحت أى ظرف من الظروف توصله اى احساس بالامتنان و العرفان والشكر……
لمجرد انه يفضّل يدى بلا نهايه …
و الطريف فى الموضوع ، ان الرجاله
بيبقوا مرضيين جداً و حامدين ربنا على الهنا اللى هم فيه و بايسين اديهم وش وضهر !!!!!!
النوع التانى ، هى الزوجه الخايبه، المغيبة، اللى وخداها الجلاله و شاهره سيفها و بمية راجل …
اللى بتقضيها تعب و شقا و تجرى هى على أحلامها لحد ما تحققهم و تدفع التمن من صحتها و شبابها وراحتها و تعود الراجل انه ده العادى ، الطبيعى
و فعلاً يتعود و يتظبط على كده !!!!!!
و الطريف برضه فى الموضوع ، ان هما دول الرجاله اللى مش مبسوطه و مش مقدره !!!!!
فعلاً ،،،، جوزك على ما تعوديه !!!!!!
و متلُمش الشاطره على شطارتها و لُوم الخايبه على خيبتها …
اقرأ للكاتبة :
الاختبار الحقيقى للمعزه و الحب هو حين تتضارب المصالح