محمد قادوس يكتب : كورونا مصر

كورونا ايه دي اللي المصريين يخافوا منها

 احب اعرفها الاول هو مين شعب مصر

احنا الشعب اللي اكلنا لحم الحمير والكلاب ولا حسينا .

احنا الشعب اللي لغايه اللحظه دي ما تعرفش الكبده في ساندوتشه اللي يجنيه جايبانها من اي مخلوق.

احنا الشعب اللي بياكل في عربيات بالشوارع اكلها متلوث بكل عوامل التعريه واطباقها بتتغسل في مياه ميه الترع انظف منها وبنعتبرها اجمد حاجه.

احنا الشعب اللي بنشتري المنتجات بعد انتهاء مده صلاحيتها عشان تستفاد من تخفيضات الاسعار عليها.

احنا الشعب اللي ينفتح شهيتنا بخضار خربان منقوع في ميه بالبيبي وبتقول عليه طرشي.

احنا اكلنا اكل الكلاب علي أنه بلوبيف واستخدمنا زيت العربيات المحروق وعملناه زيت اكل وسوينا الزيتون بالبوتاس ولمعنا البلح الأخضر بيه عشان يحمر ويتباع.

احنا الشعب اللي بياكل سمك معفن لو اكلها حيوان أليف في أوروبا مات مسموم وسميناه فسيخ وملوحه.

واحنا الشعب اللي اكلنا الخضار المسرطن و الفاكهه المحقونه واتعاملنا كفيران تجارب الفئران ماتت واحنا لسه عايشين .

احنا الشعب اللي جرينا ورا عربيات رش المبيدات وكنا بنصيف علي سحاب قش الأرز  و انبعاثات علامه الزباله موجوده عنده تحت كل بيت.

احنا شعب اكلنا من الزباله زي الحيوانات وشربنا من المجاري كأننا سمك وبنتنفس زي النباتات بثاني أكسيد الكربون .

احنا فيه عندنا اكتر من اللي اتكتب ده بكتير .

عشان كده احنا الاوبئه مش هي الخطر علينا ،لأننا اتعودنا نتعايش بوجودها ، لكن يمكن النظافه و النقاء هم دول الخطر الحقيقي علينا ،لأننا من كتر ما احنا محرومين منهم ممكن لو عشنا فيهم نموت😥.

اقرأ للكاتب

محمد قادوس يكتب : قراءه فى المشهد اللبنانى “اقتصاد لبنان الى اين ؟”

شكرا للتعليق على الموضوع