محمد عبد المجيد يكتب: قتل الفتاة نيرة
جريمة شنيعة ولكن للأسف هى تحدث وسوف يحدث الاسؤ منها ايضا …وانا شخصيا اتكلمت كثير جدا عن مشاكل التربية فى الاجيال الجديدة وعن غياب الثقافة وحتى المبادىء عن الاهل (الاب والام) تفرغو للاسف للكلام الفاضى ولهوامش المجتمع وتركو تربية أبنائهم للسوشيال ميديا واليوتيوب ومسلسلات وافلام محمد رمضان ومن على شاكلتة واغانى المهرجانات …و…و… عالم كبير من السطحية والتفاهات وبعد ذلك ماذا ننتظر ؟؟
هل سيكون الاولاد من العظماء مثلا وحياتهم فاضية بهذا الشكل ؟؟ اذا كانت الثقافة هى خد حقك بدراعك بين الشباب …ماذا ننتظر ؟ هل مثلا حيكون الاولاد محترمين اذا كان الشارع هو الذى يربيهم بعد أن تفرغ الاب لتوفير الأموال وتفرغت الام لصاحبتها والكلام الفاضى والصور المتتالية على السوشيال ميديا ؟؟
هل ننتظر خيرا من كل هذا؟
فتاة بريئة فى عمر الزهور ذبحت من شاب من عديمى التربية ونتاج لثقافة العشوائية وخد حقك بدراعك …البنت وأهلها رفضو الشاب ….يقوم الشاب يضغط على البنت ويلاحقها فى كل مكان لغاية يجى وراها من المحلة للمنصورة ويطعنها ثم يذبحها بدم بارد امام أسوار الجامعة؟؟؟
اية العقلية الى وصل ليها الولد دة !!
واية الجبروت دة!!!
والمجتمع مازال يواصل السقوط …وننشغل فى صراعات جانبية ومازال يتم إهمال اهم جانب ….التربية …ومش حقول كمان عايز الولاد متعلمين ومثقفين لان دة بقى خيال خلاص فى ظل ضعف التعليم وغياب دورة الحقيقى ….طيب التربية فين؟؟
التربية الى نشانا عليها احنا واهلنا وجدودنا وجدود جدودنا …فين راحت؟؟
وانا والله مش بلوم الأبناء….بوظان الجيل الصغير دة هو مسؤلية الآباء وبس لان الآباء نفسهم عايزين يعرفو يعنى اية تربية ويعني اية اولاد ومسؤولية….وان الجواز مش اننا نقضي احتياجات ونخلف ونجيب فلوس وبس …ونرمى العيال للمدرسة او للشارع او لصحابهم وهم حيتربو لوحدهم؟؟
انقذو اولادكم قبل فوات الأوان ارجوكم
واتقوا الله فى أنفسكم وفى المجتمع
أولادكم اكبر مسؤلية ربنا كلفكم بيها …ولسوف تسالون …ان كنتم لاتعلمون
اقرأ للكاتب
محمد عبد المجيد يكتب: التجنيس ومحمد الشوربجى
