كندة حنا تشن هجومًا عنيفًا على هؤلاء.. والسبب؟
شنت الممثلة السورية كندة حنا، هجومًا عنيفًا على الصفحات الفنية، التي تنشر صورها وتعلق عليها بطريقة مسيئة.
وقالت حنا عبر حسابها الشخصي على موقع التواصل الاجتماعي “فيسبوك”: “تجربتي كممثلة كانت تجربة صعبة مليئة مصاعب وتطلبت مني كتير من الجرأة لقدرت واجه بعض من عقد الحياة والمجتمع… المجتمع بكتير من الأحيان بضعف الامرأة وبقلل ثقتها بنفسها.. الامرأة لازم تكون طموحة بس بحدود.. الامرأة لازم تكون ناجحة بس مو كتير مشان ما تهدد مكانة الرجال”.
وأضافت الممثلة السورية: “الانثى بمجتمعنا طموحها الزواج مو النجاح مع انو الزواج هو تحصيل حاصل بحياة أي امرأة ناجحة.. نحنا منعلم البنات يتقابلوا مع بعض كمتنافسات مين الاجمل ومين الأحلى بس لو علمنا بناتنا يتقابلوا ليحققوا إنجازات مهنية أو للعمل برأي أصح لمجتمعنا ومستقبل بناتنا”.
وتابعت: “في كتير بنات وشباب بالمجتمع بكون محصورين بعقد المجتمع وماعم يقدروا يطلعوا منها بصيرو بحابرو أي حدا قدر يطلع من هي العقد ويشتموا لانو ماحدا بيرضا يسبق حدا على النجاح، كتير صفحات على السوشال ميديا بتهاجم الممثلين أو الفنانين أو أي حدا مجرد يحسو بغيرة منو لانو مو متل مو مرسوم براسهن”.
وختمت: “وبغض النظر إذا هاد الشخص عم يعمل شيء حلو أو بشع قبل مانقيم أي شخص مو عاجبنا وما منعرفو نحترمو لان منكون عم نحترم حالنا أو إذا عنا مراية نطلع فيها ونحكي مع حالنا شوي ومين نحنا شو عم نعمل وبعدين نحكم على الآخرين لانو اغلب الناس لي عندها عمل وشغل بالحياة لا يمكن انها تفكر بغيرها بس الناس الفاضية دائمًا هي سبب كل المشاكل وبتحاول تطلع كل عقدها على غيرها”.
