محمد قادوس يكتب : اهلا بكم فى وطنكم مصر

تابعت مقال طويل عريض لاحد العاملين بالسياحه بشرم الشيخ يهاجم فيه السائحون المصريين الزائرين للمدينه ، وقد حرص هذا الشخص على نعت المصريين باسوء الصفات ساخرا من سلوكيات بعض المصريين اثناء اجازتهم ، وهم رغم اقرارى بحدوث هذه التجاوزات اقليه .

 وردا على كثير من تجاوزات بعض المصريون العاملون بالسياحه بالمدن السياحيه تجاه مواطنى بلدهم متناسيون بذلك ان القماشه واحده والاساءه هى لهم قبل ان تكون لغيرهم .

حيث اننا جميعا بالفعل مصريون وليس صحيح ان عملهم بشرم او الغردقه جعلهم جنسيه اخرى ومن حقهم هذا التعالى المقيت احب اذكرهؤلاء بالعشرة نقاط التاليه .

علما ان انا شخصيا بدأت حياتى العمليه بالغردقه ومكثت هناك عشره سنوات كامله ادرت خلالها عدد من المكاتب السياحيه فى ذروة ازدهار السياحه بمصر .

1- معظم العاملون بشرم والغردقه ومن الممكن ان تقول الغالبيه العظمى منهم وعلى فكره هذا ليس بعيب ، هم يا اما صعايده من قلب الصعيد يا اما فلاحين من ارياف مصر ، والغالبيه منهم اول تعاملهم مع المدن هو قدومهم للعمل بهذه المدن وعلى فكره لو قاموا بدعوه اهلهم مره لزيارتهم ستجد سلوكهم غير مختلف بتاتا عمن يسخرون منهم بمقالاتهم .

2- معظم هؤلاء الساخرون لو بحثت وراءهم ستجد ان بهانه حدهم فى الكفر رفضت الارتباط به عشرات المرات ، وابوها قال عليك صايع قبل ما ربنا يفتحها عليك ، وتتعرف على ناتاشا ولا صوفيا التى قبلت ان تصادقك لانها وجدت فيه نوع جديد من المخلوقات و مختلف عن البشر الذى تعرفه ، حبا فى التجربه وعلى فكره بره الزنوج سوقهم ماشى مع الحريم اكتر من احمد عز وكريم عبد العزيز فما تصدقش نفسك .

3- الله يرحم الروس اللى كانوا بيسرقوا برضه الفوط والشاى والمناديل وفيهم العبر وما كنتش تقدر تفتح بقك عشان عقده الخواجه تمنعك انك تعمل كده .

4- فاكر الواد الروسي اللى كان بيرجعلك من سهره فى عز الفجر وهو بيجعر زى الحمار باغنيه انت مش فاهم كلمه منها وتحت باطه بنت سكرانه زيه واخدها الاوضه تروقه وهو بيمسى على قرونك ، وانت لا تملك الا ابتسامه بلهاء ترد بها على تحيته وانت مفتخر انك صديق العملاء متناسيا ان قرونك بقي شكلها وحش .

4- كنت بتستقبل الفوج من دول جايلك اسبوع طيران واكل شارب نايم ب600 جنيه (200دولار ) ايام ما الدولار كان ب3 جنيه والمصري بيدفع المبلغ ده كان فى يوم واحد عندك بس زى ما قلتلك هى عقده معلش .

5- معظم العاملون بشرم والغردقه هم حشاشين وخمورجيه وبتوع نسوان تخيل بقي مين بيتكلم اساسا .

6- اكبر حلم عندكم ان تتعرفوا على واحده خوجايه تصرف عليك وتنطقك وتخدك لدنيا الدولار واليورو ومعظمكم بالفعل ده راسماله وهى ديه كانت النقله الحقيقيه بحياتك يا نطع .

7- الاجنبي لما كان ضيف عندك كان ممكن يهينك ويمسح بكرامتك الارض وانت ما تقدرش تفتح بقك لان لو الكرامه خدتك هتترفت وهتروح شرطه السياحه وهترجع تانى الكفر مالكش لزمه .

8- معظم العاملون بشرم والغردقه عاله اساسا على مجال السياحه واسمهم خرتكيه وده وظيفته الاساسيه اللى بياكل منها عيش ، هى حفظ شويه جمل من كل لغه يسرق بها الزباين من الشركات الجالبه وينفذلهم رحلات باسعارتكاد تكون نصف سعر الشركه الجالبه ، وبالطبع يحدث هذا لان ليس لديه اى التزام فهو بييبع الرحله من محل الفانلات والفوط وده كان بيدمر اقتصاد الشركات الجالبه  .

9- احنا اساسا ودعنا السياحه المستجلبه المحترمه من التسعينات وتحديدا بعد حادثه الاقصر الشهيره واختفى السائح السويسري والالمانى والانجليزى النظيف وبقينا بنشتغل على حثاله السياحه و بمعنى ادق ام قرشين صاغ فما تمثلش .

10- لوفرضا  ونجحت محاولاتكم الرخيصه لوقف السياحه المصريه الان فى زياره شرم والغردقه وتحديدا شرم ، هتلاقوا نفسكم فى الشارع بمعنى الكلمه واوعى تنكررغم كل العنصريه اللى انت عايش فيها دى وانت بتتكلم عن المصريين وسلوكيياتهم ان دول اللى فاتحين بيوتكم دلوقتى وبتاكلوا من وراهم عيش وسترينكم .

اخيرا طبعا كلامى لفئه معينه وليس على العموم بالطبع فهناك اصدقاء قمه فى الاحترام والرقي وكوادر سياحيه محترمه تاقلموا مع الوضع المفروض عليهم ونجحوا فى الاستمرار بلا صخب ولا عنصريه ولا تشويه ولا تقليل من قيمه زائريهم من اهل بلدهم وطبعا هؤلاء يستحقون التحيه والتقدير .

رساله اخيره لكل المصريين الذين يحبوا ان يستمتعوا باجازة سعيده اعلم انك قبل ان تكون مصيف او زائر لهذه المدن انت ايضا سفير لوطنك امام الغرباء فكن على قدر هذه المسئوليه قدر المستطاع  .

واهلا بكم فى وطنكم مصر انتم اصحاب هذه الارض ، واللى عايز يحجز رحله يقولى بس وملوش دعوة .

اقرأ للكاتب : 

فى الرد على “بنت البحرانى”

شكرا للتعليق على الموضوع