هيثم عرابي يخوض تحدي جديد
رياضة – التلغراف
أعلن مدير التعاقدات السابق بالنادي الأهلي، هيثم عرابي، عن خوض حلم جديد وتحدي جديد داخل منظومة كرة القدم في مصر.
وقال عرابي عبر صفحته الشخصية على موقع التواصل الاجتماعي “فيسبوك”: “هعمل اختبارات في مصر كلها بداية من الجمعة القادمة (المنصورة). وأيضًا تجهيز فرق الناشئين ومشاركتهم في الدوريات المختلفة الموسم القادم”.
وأضاف: “عندي إيمان كبير إن محافظات مصر وخاصة الصعيد ومنطقة الدلتا فيها مناجم لاعبين محتاجين فرصة والظروف بتبعدهم عن شغفهم .وبما إن طول عمري بحب المغامرات والتحدي فقررت ابدأ رحلة التحدي الجديدة من تحت خالص”.
وتابع: “هنلف محافظات مصر كلها أنا ومجموعة من الكشافين المتخصصين في إكتشاف اللاعبين وفريق عمل متكامل عشان أدور على المواهب اللي تستحق تعيش معايا الحلم من بدايته .. كل اللي هعمله هنوفرلهم بيئة طبيعية وإحترافية بإستقدام مدير فني فاهم كرة وإدارة إحترافية تفرض نظام علي اللاعبين وتعطيهم الأجواء الإحترافية بشكل كامل”.
