وهان قلبى… “شعر” ايمان عامر

إيمان عامر - مصر

الشاعرة والأديبة: إيمان عامر – مصر

وقالي في يوم

وهان قلبى على قلبك

   كدا ينساه

   دا عمرى يهون على عمرى

   ولا يقدر ف يوم ينساه

   دا ينسى ازااى

   قمر ليله

   وضى نهاره و سنينه

   ونسمة صيفه و حنينه

   ودمعة عينه لفراقه

   وفرحة قلبه يوم يلقاه

   و ينسى ازاااى

   أمل بكره

   وامبارح و كااام ذكرى

   وحيرته و انشغال باله

   ب ميييت فكرة

   و يسأل روحه امتى لقاه

   و ينسى ازاااى

   حنينه و شوقه لعيونه

   ولهفة قلبه و شجونه

   ورعشة كفه من لمسة

   وثورة نبضه من همسة

   وشوقه لضمة لو طالها

    هتكون له أمل و حياة

    وينسى ازااااى

   دا هو النبض لوريده

   وهو الفرح يوم عيده

   وهو الااهة و الضمة

   وهو الوحدة و اللمة

   وهو النور ف يوم عتمة

   لما الفكر ضل و تاه

   تهون روحى  يهون عمرى

  يهون قلبى  يهون نبضى

  يهون فرحى  يهون جرحى

  أهون حتى على نفسى

  لكن قلبك . . .

  لا يمكن قلبى يوم ينساه

اقرأ ايضاً

أُغَنِّيكِ أُمِّي … “شعر” محسن عبد المعطي

شكرا للتعليق على الموضوع