مبادرة اعرف تاريخك من نورهان “أبو الهول”

بقلم البشمؤرخه: نورهان عبدالهادى سلام

موضوع ابو الهول كل واحد عمال يخترع ويقول حاجه والناس ماشيه تطبل وراهم ما شاء الله علينا شعب بيحب الكلام والتريندات :

✍️ الفكرة وببساطة إن زاوية التصوير مختلفة..والهدف ترويج او بمعنى تانى “الترند” والكلمه دى بنسمعها كتير اوى الايام دى كل واحد فاضى يعمل قصه وتطلع تريند.

أبو الهول هو تمثال لمخلوق أسطوري بجسم أسد ورأس إنسان وقد نحت من الحجر الكلسيّ، ومن المرجح أنه كان في الأصل مغطى بطبقة من الجص وملون، ولا زالت آثار الألوان الأصلية ظاهرة بجانب إحدى أذنيه ، ويعد أبو الهول أيضاً حارساً للهضبة. وهو أقدم المنحوتات الضخمة المعروفة، يبلغ طوله نحو 73.5 متر، من ضمنها 15 متر طول قدميه الأماميتين، وعرضه 19.3 م، وأعلى ارتفاع له عن سطح الأرض حوالي 20 متراً إلى قمة الرأس. بنى في عهد الملك خفرع (2558 ق.م -2532 ق.م)، باني الهرم الثاني في الجيزة.

 ✍️تانى حاجه ان مفيش تمثال بيكون منحوت معصوم العينين او خلينى اتكلم بالعميه ملوش عيون لان المصرى القديم كان بيبقى حريص جدا ان يظهر ملامح الوجه وخصوصا العنين وكان عندهم هدف من ده وهو تعرف الروح (الكا) الروح الكا بمعنى ” نفس الميت التي تبقى بعده كما كان يظن المصريين القدامى” يعنى عيونه هى اللى هتساعده لما ينهض من جديد للعالم الابدى .

 ✍️ونادر جدا لما نلاقى نحت لشخص معصوم العينين الا اذا كان كفيف ف وضعه الطبيعى والدليل ع كدا منحوت فى مقابر طيبه للعازف المصرى القديم  .

✍️ وخليني اقولكم دليل كبير جدا ان الصوره دي متصوره بزاويه مختلفه لابو الهول في وكاله من اكبر وكالات التصوير في العالم Gettimage مصوره ابو الهول من اكثر من سنه وعينيه كانت طبيعيه جدا وصوره ثانيه بزاويه مختلفه لابو الهول مغمض وده اكثر مكان ممكن نعتمد عليه في التصوير في الوقت الحالي وهنزل كل صور الوكاله ل ابو الهول   .

✍️ وفي مصدر من وزاره الاثار ان الصوره فعلا مزيفه وان ابو الهول  تم تصويره بزاويه عكس الشمس وبكاميرا ضعيفه جدا لم توضح ملامحه وده اللي ظهر الصوره بالشكل ده .

ياريت منمشيش ورا التريندات والكلام اللى ملوش لازمه وقبل ماتتكلموا ياريت يبقى معاكوا مصادر موثوق منها مش كل واحد فاضى يعمل تريند …

هامش :

📌 حسن سليم ، ابو الهول تاريخه فى الحفريات الحديثه ، المطبعه الحكومه ، القاهره ، ١٩٤٩

📌 ويكيبيديا

#البشمؤرخه

#بقلمى_نورهان_عبدالهادى

اقرأ ايضاً

مبادرة اعرف تاريخك من نورهان “قصر البارون”

شكرا للتعليق