ماذا قال الفنانين عن واقعة الفيديو المسيء
شن عدد من الفنانين هجومًا شديدًا على الفنان الشاب أحمد مالك، وذلك عقب ظهوره في فيديو يسئ فيه للشرطة بتوزيع “واقي ذكري” على هيئة بلالين لرجال الشرطة في ذكرى 25يناير بميدان التحرير.
وتنوعت رود أفعال الفنانين عبر موقع التواصل الاجتماعي “فيسبوك”، حيث جاءت كالتالي:
الفنانة وفاء عامر قالت “العيب مش عليك، العيب على اللي ربوك، أنا مش مصدقة إن فيه حد بالسفالة دي، الله يلعن أبو الحرية اللي تخليك تسخر من عسكري واقف يحميك، بس أنت لو راجل وأبوك راجل كنت عملت المقلب قدامهم بس أنت زيك زي المرشد اللي نزل رابعة بنقاب”.
وأضافت: “الرجولة يعني الجيش والشرطة، وللأسف فيه ناس قالت عقابك تروح تخدم في سيناء، وأنا بقولك في ودنك الجيش مبياخدش غير الرجالة، وأنت وأمثالك بيكتبوا في شهادة المعافاة عندهم غير لائق”.
الفنانة عبير صبري: “ال……. اللي عمل فيديو الواقي الذكري …اخص ! العسكري الغلبان اللي عملت معاه كده برقبتك وراجل اللي واقف في الشارع في خدمته عشان واحد زيك يعمل معاه شغل ……. ده !!الاخلاق مش بتنفصل عن الفن علي فكره..”.
الفنانة حنان مطاوع: “أرفض وبشدة اللي عمله في التحرير بجد عيب وتجاوز..واحترم إعتذاره..الإعتذار لغة لا يفهمها إلا القادرون والصفح من شيم الرحمن”.
المخرج شادي علي: “فاكر نفسه كده هيبقي زعيم، و أمثاله هيشيلوه علي أكتافهم و يفتخروا بيه، أحقر ما أنجبت مصر لازم يتحكموا هو و كل من شارك في الحقارة دي”.
