رسالة جديدة من باسم يوسف عن «تيران وصنافير»

واصل الإعلامي الساخر، باسم يوسف، تعليقه على الجدل المثار حول جزيرتي تيران وصنافير، قائلًا: «عاملونا إننا شعب كده وكده، زي ما بنعاملكم أنكم سلطة كده وكده»، حسب تعبيره.

وقال يوسف، في رسالة نشرها بحسابه على موقع «فيس بوك»، الأحد: «الموضوع مش إن الجزر دي مصرية ولا سعودية، الموضوع إن شعبك بيعرف إن فيه جزيرتين اتاخدوا منه من الجرايد، يعني لو فعلا هي سعودية، بتحطوها في مناهج التعليم ليه على أنها مصرية؟ أو تبع وزارة البيئة أو في الكتب التاريخية اللي بتتكتب من 100 سنة؟ كنتم تقولوا إنها سلفة».

وتابع: «طيب لو فيه مفاوضات شغالة، ماقلتوش ليه؟ إيه بنود التفاوض و الاتفاق؟ ليه الموقف التفاوضي المصري فجأة اتغير؟ ليه رجعنا الجزر دي النهارده مش من عشرة ولا عشرين سنة، وأظن السعودية من عشرة عشرين سنة كان عندها جيش و قوات و بحرية برضه»، حسب تعبيره.

وتساءل: «يعني إيه تعامل شعبك كقطيع مالوش فيها عشان يصحى الصبح على الخبر ده؟ طب وضع الدستور اللي أنتم رقصتوا عشانه قدام اللجان؟ مش المفروض فيه استفتاء على الاتفاقيات اللي بتمس السيادة والأرض؟»، خاتمًا بقوله: طب مثلوا، طب اضحكوا علينا؟ طب عاملونا إننا شعب كده وكده زي ما بنعاملكم إنكم سلطة كده وكده».

شكرا للتعليق على الموضوع