يوميات دينا ابو الوفا … عارفين
صحيح اننا لما بنحب حد اوى بنسلمه مفاتيح قلبنا و شفرات شخصيتنا
لأننا لما بنحب مش بنخاف لما ياخد مفاتيح قلبنا انه يدخل و يسرق منه الفرحه او يسرق منه الراحه و السكينه او انه يسرق منه الأمان و الطمأنينة
و لا بنخاف و احنا بنديله شفرات شخصيتنا انه يستغل طيبتنا معاه او حنيتنا عليه او اهتمامنا بيه او احتياجنا ليه
بنأمن تماماً و كلياً
و طبعاً ده بيدى ثقه للى قدامنا أنه ممكن ينتهك الثقه دى فى اى وقت لان المفاتيح معاه و ضمنا مدى الحياة
اللى مش بنعمل حسابه و لا بيتخيله اننا لما بنتسرق كده انه اسهل حاجه فى الدنيا اننا نغير الكالون و نغير المفاتيح و نغير الشفره و كلمة السر
و ساعتها يجى يدخل تانى مش بيعرف و مش هيعرف لأنك لا يمكن تأمنه عليهم تانى
اقرأ للكاتبة :
