آه ياريت …”شعر” امال مصطفى
شعر : امال مصطفى
آه ياريت
كنت حاسه
إن نفسى تكون معايا
قلبى مشتاق لك أوى ،
مش أد لحظة من بعادك
شوقه ليك لو بس اقوله
يملا كل الدنيا حب
يتولد جوانا إحساس باللقا
من غير ميعاد
نفسي اقول لك
كلمه فيها تنكتب كل الحروف
شامله حب وشوق ولهفه
حتى فيه كلمة ياريت
آه ياريت
آه ياريت لو إني أقدر
إني اكون دايما معاك
آه ياريت لو كل حاجه
تبقى في الدنيا هواك
آه ياريت إن الوجود
مايكون معايا فيه سواك
آه ياريت لو ينتهي امبارح
ويبدأ يوم جديد ويا خطاك
آه ياريت …….آه ياريت
كلها أحلام معايا
عايشه فيها ليل نهار
كلها آمال
بيتمناها قلبى نور ونار
آخر الأحلام بقولها
قبل مايفوت الأوان
لو مكنش العمر يكمل يوم
بلقياك ياحبيبي
يبقى دا بالنسبة ليا
آخر العمر
اللي دايما في انتظار
بس قلبي لسه بيعيشه
ويتمناه وبيحس انه قرب
راح يقرب مهما كان
راح يقرب حتى لو طال المطال
