عبدالله الناصر يكتب: دروس تجربة الطلاق
سألوها بعد الطلاق ايه الدروس الي أتعلمتيها من التجربة
قالتلهم عدم التهور ورد الفعل السريع
أسمع أكتر مما أتكلم
أسيب ديماً الباب موارب يمكن يكون في فرصة تانية …
اواجه مشاكلي بنفسي ومسمحش لحد التدخل فيها …
ومين شجعك من اهلك علي طلاقك…
كلهم تقريبا مفيش حد فيهم حاول مره واحده يقولي حافظي علي بيتك ….
مفيش حد فهمني اني بخرب بيتي وبضيع مستقبلي ومستقبل اولادنا …
“واهلك واقفين جمبك دلوقتي زي ما كانو واقفين معاكي وبيشجعوكي علي الطلاق…….”
مفيش حد فاضيلي ولا فاضي لاولادي اخويا الي ياما شتم وسب طليقي اتجوز وعايش مع مراتة وخلف لو يوم غضبت يعيط زي العيال علشان ترجعله …
اختي بعد ما اتطلقت انا اتعلمت من تجربتي لو حصل خلاف بينها وبين جوزها تحله في بيتها ….
” عملتي ايه بفلوس الطلاق والقايمة .”
كل الي احتاج حاجه من اخواتي واهلي خدوها وباقي القايمة مرميه في مخزن
تحت البيت …
” انتي كنتي مجرد حقل تجارب وليمة كلهم كلو منها وشبعو وبطونهم اتنفخت بس
انتي هتعيشي وتموتي من الجوع …
جوع المشاعر …
جوع الاسرة والبيت المستقر …
قدرك انك تشوفي غيرك مبسوط ومرتاح وانتي بتتحسري علي حياتك الي ضيعتيها
بإيدك وبأرادتك انتي ….
القضايا خلصت والمحاكم خلصت والظلم خلص بس الحسرة والندم جواكي مش هيخلصو وكفي 💪 الكل بيقولها اتطلقي.. وابتدي من جديد.. والحياة فاتحالك دراعتها.
😞مين قال ان الطلاق حاجة سهلة وبسيطة ومحببة كده؟
مين أصلًا يجروء يدي واحدة نصيحة يقولها اتطلقي؟
😎ده حتي أعتي المعالجين والمتخصصين مش دورهم ياخدولك القرار.
😠مين يقدر يشيل وزر قرار انفصال اتنين كانو سكن لبعض.
لما بنقول ماتقبلوش الضرب والإهانة ولا الخيانة دي مش دعوة للطلاق أبدًا، 🚫ده تصحيح غلط بيوقع أضرار جسيمة علي الست وعلي أطفالها..
مفيش ست سوية ينفع تعيش بتتضرب أو بتتخان أو بتتهجر بالسنين أو طلعان روحها عشان تصرف هي عليه وع البيت والعيال وهو قاعد بيتشات ع الفيس بوك.
ده مش وضع طبيعي ولا يرضي ربنا.
حيرتيني 😲
🚫اتطلق ولا ما تطلقش؟
لا ماتتطلقيش. لأن طول ماانتي بتسألي وعايزة حد ياخدلك القرار يبقي أنتي ماوصلتليش للآخر.
👍لسه فيه حاجات تقدري تشتغلي عليها وتغيريها فيكي مش في شريكك، في تصرفاتك، في ثقتك، في توازنك… تغيريكي إنت مش هو.. ركزي في الكلاااااام
😦 وأول ماتبقي شخص متوازن، معندوش مشاكل نفسية هتلاقي القرار إتاخد لوحده سواء بإنك تكملي أو تمشي…
تخيلي ده ساعات كمان بعد ماتعرفي 😟مشاكلك وتعالجيها الراجل هو اللي بياخد القرار وبينهي هو العلاقة.
أصل الرجالة اللي بتنتهج سلوك شاذ زي الضرب أو اقامة علاقات مع أخريات بيبقي عاوز ست بمواصفات معينة تقبل سلوكه، ف أول 👈مابيلاقيها بتتغير وتبقي شخص واثق بيحب نفسه وبيقدرها ويحترمها بتبطل الست دي تعجبه مابتبقاش تلزمه ولا بتغطي احتياجاته. فساعتها هو اللي بيمشي.
💔الطلاق اتعمل لما نبقي استنفذنا كل الحلول وسعينا في كل الاتجاهات وعملنا اللي علينا قدام ربنا عشان نحوش عن نفسنا أذي وللأسف معرفناش.
💔الطلاق اتعمل كآخر حل مش أول حاجة نفكر فيها لما نختلف.
😬 كل يوم : حبي واتحبي، خليكي حنينة لكن قوية، كريمة لكن متقدرة، متسامحة لكن متصانة.
ودايمًا صدقي الصوت اللي جواكي لأنه مابيكدبش….
صوت قلبك مابيكدبش……………
اقرأ للكاتب
عبدالله الناصر يكتب: شروط السعادة الخمسة للالتحاق بفضاء التفاؤل!
