منار سعيد تكتب: انت استثنائي
انا منار سعيد عندي 25 سنه .
عندي طفرة جينيه وانا الوحيده الي في مصر الي عندها الحاجه دي ، وعلي مستوي العالم ٥٠٠ بس .
متخرجة من كلية أصول الدين قسم عقيدة و فلسفه جامعة الأزهر وحاليا تمهيدي ماجستير في جامعة الأزهر ، وبحضر ماجستير في جامعة عين شمس في علوم البيئة .
أخدت دبلومة في الهندي من السفارة الهنديه ، اخدت الماني وانجليزي مع نفسي .
اتعرضت لحاجات كتير جدا صعبه وتريقه واستخفاف وتجاهل من الناس بسبب المرض الي عندي ، بس انا واجهت كل ده وقدرت انجح في حياتي وقدرت اواجه المجتمع بضحكتي .
تم تصنيفي في ٢٠٢٠ من ٤٠ سيدة مؤثرة في الوطن العربي ، عملت مقالات كتير في سيدتي ، عملت فيديوهاات علشان اقدر اغير التفكير بتاع الناس شوية ، يمكن منجحتش بنسبة ١٠٠% بس علي الاقل بحاول .
اتكرمت من الرئيس في المؤتمر السابع للشباب .
عملت مشروع الخاص بيا co Working space وكان اسمه بهجة وفكرته انه يكون مكان ممهد للاشخاص من ذوي الهمم وقدرت اساعد ناس كتير.
عملت مبادرة حاسب لتكسر ، وكانت المهمة بتاعتها أنها توضح قد ايه الكلمة خطيرة وتؤثر في النفوس بشكل سلبي أو إيجابي .
عملت مبادرة وسمتها مجرد حدوته وكتبت فيها قصص للاشخاص من ذوي الهمم وازاي قدروا ينجحوا في حياتهم وخليت الأشخاص دول يكونوا سبب في انهم يدوا طاقة للناس العاديه ، المبادرة كانت سبب ان ناس كتير منهم توصل للاعلام والميديا ، ناس تشتغل ناس توصل صوتها ، فانا حاسه اني نجحت بسببهم الحمدلله .
اول وزيرة للسعادة في مصر ❤️ .
اقرأ ايضاً
خالد على يكتب : لن تحيا مصر قبل ان احيا أنا