منعم هلال يكتب : نفتخر باكتوبر رغم تحفظنا
بغض النظر عن اختلافنا علي طريقة القيادة في بلدنا أو نوعها أو حتي رفضي الشخصي للشكل العسكري في حكم مصر و بغض الطرف عن كل ما يحيط بالموضوع ده من جدل مبيخلصش و مش هيخلص لو اتفتح إنما مينفعش منبقاش فخورين بنصر أكتوبر حتي لو فيه حاجات كتير ممكن تكون مؤسفة حصلت بعد منه أو وضعنا الحالي أيا كان .
إنما كل ده لا ينفي إنه كان يوم عظيم و مليان شرف و فخر للمصريين و للجيش و القيادة العسكرية لعبت دور مينفعش التاريخ ينساه حتي لو فيه في وسط القيادة دي أسماء أنا شخصياَ مش منحازلها تماماَ و يمكن أكون شايفهم يستحقوا المحاكمة حالياَ…
إنما كلهم في اليوم ده عملوا إنجاز في منتهي العظمة و الجيش كان في منتهي القوة و التضحية…السلطة بتغير الانسان و مش أي حد يقدر يقاومها إنما لازم لما نحب نقيم شيء نعرف نفصل بين الأمور…
السادات و مبارك و الجمصي و سعد الدين الشاذلي و أبو غزالة و كل القيادات العسكرية لعبوا سيمفونية في منتهي الجمال و القوة هما و الجيش المصري تستحق الاحترام و التقدير….أنا اتربيت علي الفخر بنصر أكتوبر و عمري ما هتتغير نظرتي ليه حتي بعد اللي عيشته لحد ما كبرت من فساد و فشل الحكم العسكري في حكم البلد من وجهة نظري الشخصية….
