فتح الله عن ” فوز الزمالك بالسحر والشعوذة”: “خرفات ملهاش أساس في الواقع”
استنكر اللاعب محمود فتح الله، نجم نادي الزمالك السابق، والانتاج الحربي حاليًا ، من الاتهامات التي طالت نادي الزمالك في الأونة الأخيرة بأنهم يجتازون المباريات بالسحر والشعوذة، موضحًا أن تلك الاتهامات عبارة عن خرافات لا تمد للواقع بأي صلة.
وأضاف فتح الله، خلال حواره في برنامج ” في الاستاد”، مع الإعلامي كريم خطاب، على شبكة نجوم إف أم، :” أصل اللي بيقولوا عليه بيكسب بالعفاريت وجون عفاريت والكلام ده، ممكن أكسب الماتش اللي بعده بنفس الجون أو بواحد شكله، مش هقبل حد يقولي إنك كسبت بالعفاريت”.
وعن علاقته بأحمد حسام ميدو، المدير الفني للنادي الزمالك السابق، قال محمود فتح الله :” ميدو كان بيعلب معانا في الدوري ، وبعد سنة بقى المدرب بتاعنا ، ميدو حبيبي وصاحبي ، واحترمت ميدو كمدير فني ، واحترامي ليه ملهوش علاقة بالسن ، المدير الفني مش بالسن”.
