يوميات دينا ابو الوفا … عارفين

فى الطب بنقول “الوقايه خير من العلاج”

كتير مننا بيطبق القاعده دى فى حياته الشخصيه ……

لما بيكون خايف قوى يتجرح و يتوجع و يتألم ، بيتفادى أى علاقه أو أى حد احتمال مجرد احتمال انه يوجعه ….

بيخاف يدى فرصه لأى حد ….

بيخاف يآمن لأى حد …..

بيخاف يقرب من أى حد…..

ده بيخلينا فى أحيان كتير نُظهر غير ما نبُطن،،،،

 لو بصينا جوانا بصدق هنلاقى ان الصراع عنيف ….

بين اننا نتقدم خطوه و بين اننا نرجع ورا الف خطوه ..

 بين اننا نكسر كل الأسوار اللى بنيناها بايدينا و بين اننا نعليها اكتراحتياطى ..

 بين اننا نصدق اللى بيتقالنا و بين اننا نُكدبه لانه ده أضمن ….

بين اننا نُجازف و ننزل برجلينا فى الغويط و بين اننا نفضل واقفين على البر فى الأمان …..

الكارثه مش فى كده ….

الكارثه فى اننا لما بنعمل ده ، احياناً بنضيع على نفسنا فرصه العمر

 فرصة ان اللى بنبعد عنه ده ميكنش الداء ، بيكون الدواء !!!!!!

اقرأ للكاتبة : 

هل ادركتك النعمه ام أصابتك اللعنه !!

شكرا للتعليق