كلمات ادم … اسكندريه الماريه
اسكندريه الماريه … بنوها زمان
بطالسه يونان … وخلوها تراث مكنون
يجي حلاوه وابن اخته بحلاوتهم
يخلوها … مباني كرتون
تميل حبه … وحبه تهيل
وفي القصه في حي جميل
مضي التصريح وبصمهم
كاحول ماشي … مفيش عادي
هنبصملك ونمضيلك ونختملك
ولو عاوز تطلعها عشر ادوار… نكملك
ولو تيجي تزورني في يوم
تشوف جاري قاعد عريان
يبان القبر اهون … من دخول البيت
لا فيه صنعه … ولا اتهنيت بمعماره
زمان فاكر … بيوت الطين واسراره
بيت مبني كانه جديد
وخوص وجريد مغطي سقفه وحطانه
لاشتا بردان ولا صيفه … تحس لهيب
كانه حضن من امك … في هندسته ومعماره
اقرأ للشاعر :