مريم مسعد للمرأة المصرية… تابعى الموضة وارتدى مايناسبك
مريم مسعد صحفية ومصممة أزياء شابة ، حاصلة علي ليسانس اثار، بدأت مشروعها وهي في الثلاثين من عمرها لكي تحقق ذاتها مهنيا، لحقت سريعا بقطار الشهرة في عالم الموضة والأزياء، وصممت فساتين العديد من نجمات الفن والاعلام، و قامت مؤخرا بتصميم فساتين مسلسل “حواديت الشانزليزيه” ، وعن مشوارها واجمل تصميماتها تحدثنا مريم من خلال هذا الحوار..
حوار: ملك رفعت الشاهد
متي تم اكتشافك لموهبة التصميم ؟
انا من زمان جدا زي كل البنات او اغلبهم أحب ان اضع اللمسة الخاصة بي في اللبس و اركب حاجات وهذا كان كل مالدى ، وبدأت الهوايه تزيد عندي مش بتقل ، لحد ماكبرت واتجوزت وخلفت وبعد كده حسيت ان انا نفسي ادخل المجال بشكل احترافي وانى لازم ادخل الموضوع بجدية اكتر، فدرست في الاكاديمية الايطالية و اخذت دبلوم في تنفيذ و تصميم الازياء لمدة سنتين ، كان شغلي فيهم تقريبا شبه يومي لحد ماحصلت علي الدبلوم ، يعني هو الاكتشاف منقدرش نقول عليه ان هو وليد يوم او وليد لحظة ، لا هو علي مدار سنين كتير جدا لحد مالفكرة تبلورت و لحد مأخد الجرأة ان انفذها بشكل احترافي و بشكل فعلي .
ما هو المنفذ لدخولك عالم الازياء و الموضة ؟
انا درست و بدأت أدخل علي الانترنت كتير اشوف مدارس للتصميم و ده كان دراسة اطلاع للازياء و الموضة.
سبب عودة التصميمات الكلاسيكية القديمة في هذا العصر ؟
الموضة بتعيد نفسها و دا مش علي مستوي مصر بس دا علي مستوي العالم كله ، يعني مثلا كل فترة بنرجع لحاجات قديمة ، مثلا موضة السنة الجاية هي عودة البنطلونات “الشالرستون”، اللي كانت اختفت و طلعت مكانها الليجن و موضة الخمسينيات و الذي يحكم في هذا الكلام بيوت الازياء العالمية ، وتنتقل الي المحلات التجارية الكبري و بعد كده جتلنا احنا .
هل يجب علي الفتاة ان تتابع الموضة باستمرار ؟
نعم ، تتابع الموضة بس المهم تكون الحاجة لايقة عليها مش فكرة ان حد يلبس حاجة غالية او حلوة اد ماتكون لايقة عليه.
هل الاكسسوار شيء اساسي لكي يظهر جمال التصميم ؟
طبعا ، الاكسسوار او الشعر او لون الطرحة و الميك اب ،الحاجات دي نقدر نقول ان هي 40% من شكل التصميم بتاع اي واحده .
ما هو التصميم الذي يستحوذ الان على اعجاب معظم النساء ؟
كلما كانت القطعة سادة كانت أفضل ، ولكن في افراد تحب الحاجة الجديدة و ده علي حسب الذوق ، الملابس تكشف شخصية الفرد.
هل ازياء المحجبات تليق علي غير المحجبات ؟
اه طبعا ، عادي جدا بس العكس صعب يعني مثلا ممكن تكون حاجة مفتوحة قوي فلما بنغطيها ببدي كرينة او قميص بتبقا مش حلوة و علي حسب شكل الموديل .
هل الخامات التي تستخدميها مصرية ؟
التصنيع قليل جدا في مصر فكل الخامات اللي بتتباع في مصر دي جايلنا من برا ، هو مفيش تصنيع خامات في مصر بشكل قوي ، الاقمشة اللي بتصنع في مصر اغلبها الاقطان و الحراير نوعا ما في مصر، لكن قماشات السوارية و الالدا موضة و الحاجات دي بنسبة ٧٠ / في الميه منها بنستوردها من الخارج .
وماذا عن “الكولكشن” الجديد 2020 ؟
“الكولكشن” الجديد ساقوم بتصويره خلال ايام يدور حول اللون الاسود كله واجمل تصميماته تنتمي الى اللون الاسود المطعم بالذهبي .
وماذا عن اخر اعمال وتصميمات مريم مسعد ؟
اشتركت مؤخرا في تصميم بعض فساتين مسلسل ” حواديت الشانزلزية ” وهو مسلسل ٤٥ حلقة ، من تأليف ايمن سليم و نهي سعيد ، واخراج مرقص عادل ، وانتاج شركة ” سينرجي” ، وبطولة اياد نصار ، مي سليم ، داليا مصطفي ، انجي المقدم ، ادورد ، عايدة رياض ، فريدة سيف النصر ، أماني كمال ، سارة عادل ، هاجر الشارنوبي ، منه جلال ، لمياء كريم ، جينا سليم ، رباب ممتاز ، سمر محمد متولي، وقمت بتصميم فساتين الفنانة ” سارة عادل ” و عددهم ١٢ فستان .
اقرأ ايضا
اطلاله جديده للفنانه المتآلقه “نورا حبيب”
