ايهاب النحاس يكتب :عودة الرياضة بين العقل والمصالح

عودة النشاط الرياضي حديث الساعة بس عايزينه لبعض النقاط المهمة :
١-بالنسبة لقطاع كرة القدم اللي محتاج فعلا للعودة بس مش علشان الاهلي والزمالك لان فيه أندية درجة ثانية وثالثة ورابعة وقطاعات ناشئين واكاديميات منتشرة في كل مصر وفاتحة بيوت خلينا نقول يرجعوا بس لو ظهرت حالات كورونا هيبقي ايه الحل يبقي لازم ندور علي المهم فالاهم .
٢-فيه العاب كثيرة بنت البطة السوداء ممكن ترجع عادي جدا زي العاب الشبكة (التنس الارضي /تنس الطاولة /الكرة الطائرة/الريشة الطائرة ) وكمان العاب القوي واي رياضة مفيهاش احتكاك مباشر بين اللاعبين .
٣-صالات الچيم والأندية الصحية اكثر ناس ممكن يعملوا إجراءات وقائية لأنهم اتبدهلوا وبيوتهم خربت وبيشتغلوا علي مدار اليوم وطبيعي جدا ان مافيش احتكاك مباشر في الأندية الصحية والچيم لان كورونا ينتشر عن طريق الفم والأنف مباشرة حسب بيانات منظمة الصحة العالمية .


طيب من الاخر النشاط الرياضي الكروي مش خناقة بين محبي وجماهير وصحفيين ومشتاقين ولجان الاهلي والزمالك ده قرار دولة ولازم كل الناس تتعامل دون أهواء أو انتماء وانا رأي الشخصي (كب كوز مياه علي اللي فات ) ونبتدي نجهز اللاعبين للموسم الجديد علي منتصف أغسطس زي الدوريات المحترمةو تبدا اللجنة الخماسية تشوف اللوائح والقوانين بالنسبة لقيد وانتقال واعارات اللاعبين لو تم الغاء الموسم ونبدأ علي نضيف وكذلك عقود الرعاية يتم تعديل بنودها بين الأندية والشركات والقنوات الناقلة .

يارب تكون الصورة وضحت ونفكر كلنا بالعقل مش بالمصالح .

اقرأ ايضا 

أكثر الشعوب الأوروبية ممارسة للرياضة

شكرا للتعليق على الموضوع