فيروز الشافعي تكتب : الحياة بعد الاربعين

أول ما تدخل فى دايرة سن الـ 40 ومابعدها هتبتدي تستوعب حاجات كتير منها ..

1- مشاكلك وازماتك بتحلها لوحدك

2- معظم وقتك بتحب تقضيه بالقعدة فى البيت

3- موبايلك دايما صامت

4- مبتحبش الرغي في التليفون و بتكتفي برساله عليWhatsApp

5- فنجان القهوه او كوباية الشاى بتاعتك أعظم اختراع في الكون

6- نايم صاحي بتفكر بس في الناس اللي وراك و التزاماتك و مسؤلياتك

7- بتعتزل ما يؤذيك بمنتهي الصمت و بدون عتاب

8- بتحاول تزود في أعمال الخير علشان اللي جاي جايز ميكونش  قد اللي راح

9- مبتحاولش تدخل في مجادلات ومهاترات  كتير

10- مش فارق معاك حاجة

11- بتحاول أحيانا تعوض اللي فات

12- بتنام قليل

13- بتودع ناس كتير عيشت و كبرت وسطهم

14- مبتصاحبش اي حد

15- بتحاول تسعد نفسك بنفسك مش منتظر حاجه من حد 

16- شايف اجيال جديدة بتعيد التاريخ قدامك

17- بتحاول تبعد عن اى حاجه غلط عشان مش عاوز تشيل شيلة تقيلة قدام ربنا 

18- بتحاول تسيب بصمه للحياة لأنك بتكون حاسس انك أوشكت علي الرحيل

19- بتحترم سنك وبتشوف تصرفات كتير اصغر منك مع انك جايز كنت بتعملها من قبل كدا 

20- شايف كل شي مقدر و مكتوب و مقتنع جدا بقضاء الله وقدره

21- بتحاول تبر اللي فاضل من أهلك

22- بتحترم العزلة و الهدوء

23- كل حاجه بترد فيها بـ معلش و تريح دماغك

24- قرارك بتاعك أنت بس و رأيك من دماغك

25- تاني برضو فنجان القهوة  وكوباية الشاى بتاعتك أعظم اختراع في التاريخ

26- بتاكل أي حاجة مبقاش عندك أكلة مفضلة

27- مبتدورش علي الزحمه أو الدخول في مجموعات

28- بتلبس اللي علي مزاجك مش اللي علي مزاج الناس

29- شكواك مع الله وإلى الله

اقرأ ايضاً

محمد سلام يكتب : التحدى الإلهى فى زمن الغرور

شكرا للتعليق على الموضوع