الحكم بالسجن المؤبد لطفل 4 سنوات (فيديو)

بعد صدور الحكم المؤبد من محكمة غرب القاهرة العسكرية، على طفل عمره 4 سنوات و116 متهمًا آخرين، بتهم حرق اقسام، ومهاجمة رجال الشرطة، وأعمال شغب.

قال والد الطفل أحمد منصور خلال حواره في برنامج “العاشرة مساءًا على فضائية “دريم”، “ضباط الشرطة خبطوا عليا وكانوا عايزيني اسلمهم ابني اللي عنده اربع سنوات، ولما مرضتش خدوني معاهم القسم وعرضوني على النيابة تاني يوم، وأخذت 15 يوم حبس على ذمة التحقيقات”.

وأضاف :” أنا بناشد كل المسؤولين ابني لازم يكون في حضني، ومحدش هيقدر ياخدو مني ووالله ده ظلم اللي بيحصل لابني ده”.

ومن جانبها قالت والدة الطفل أحمد، إن يوم الثلاثاء، قام ضباط تنفيذ الاحكام، بطلب أحمد للقبض عليه طبقاً للقانون لاتهامه بقتل ثلاثة ضباط، وكانت التهمه موجه إليه وهو عنده سنه وخمس شهور، وكانوا مش مصدقين انه 3 سنين وشافوا شهادة الميلاد علشان يتأكدوا وبعدين مشيوا وسابوه”.

واستكملت كلامها قائلة: “أحنا عايشين في قلق جامد اوي، والرئيس قال انه هيعيشنا في امان، احس انا ازاى بأمان وانا ابني اللي عنده 3 سنين محكوم عليه بـ 28 سنه سجن”.

شكرا للتعليق على الموضوع