يوميات دينا ابو الوفا … عارفين
الشخص الاناني له أمارات كتير قوى تعرفه بيها ….
لكن انا شخصياً بعرفه من حاجه واحده ، تكشفه على طول و تقطع الشك باليقين …
عارفين ايه هى!!!!
بعرفه لما اتفرج عليه عند اتخاذه اى قرار…..
لان اتخاذ القرار يمكن يبان شىء سهل لمعظمنا و ملوش اى مدلولات
الا انه فى رأيى الشخصى المتواضع ، اتخاذ القرار فى أى موقف فى حياتنا من أصعب الأمور و أكثرها تحدى …..
طبعاً شايفين انى مكبره الموضوع
لا خالص ،،، خلينى اوضحلكم الصعوبة تكمن فى ايه ….
قراراتنا ما هى الا النتيجه النهائيه لمعادلة حسابيه معقده ، بنحط فيها كل الأطراف المعنيه بالأمر و المتغيرات اللى ممكن تؤثر فى و تتأثر بالنتيجة النهائية
نفضل نظبط فى المعادله يمين و شمال حتى لا نضر اى من الأطراف المعنيه ،،،
حتى لو ده معناه اننا ناخد قرار نيجى فيه على مصلحتنا الشخصيه و ميكنش القرار المثالي لتحقيق سعادتنا …
ده بالنسبه للشخص السوى
اما الانانى بقى ، مش بيحط فى المعادله غير نفسه و اى حد تانى بره الحسبه، هو و بس …..
مين هيتحمل العواقب مش قصته ، مين هيتضر مش قضيته ،
“الأنا ثم الأنا ثم الأنا ” مبدأه عند اتخاذ القرار
اقرأ للكاتبة :
فى ثانيه بنلاقى نفسنا بنبتسم من جوانا
