يوميات دينا ابو الوفا … عارفين
أجمل احساس و أكبر نعمه فى الدنيا انه يبقى فى حياتك و حوليك ناس بتحبك بجد و انت كمان بتحبهم بجد ….
ناس فى عز ضيقتك معاك ، واقفين جنبك و فى ضهرك ….
لو عايز تعيط هيسيبوك تعيط و يفضلواساكتين احتراما للحظة ضعفك
لو عايز تصرخ هيسيبوك تصرخ بأعلى صوت تفهماً للحظة غضبك
لو عايز تسكت، هيسيبوك تسكت و يعيشوا معاك لحظه احتياجك لصمتك
لو عايز تتحدى ألمك بضحكة هستيريه تجلجل ، هيسيبوك تضحك من خنقتك
لو عندك حد كده فى حياتك ، اوعى تضحى بيه ، اوعى تبعده عنك ، ،،،،
ده طوَّق نجاه ليك و انت بتغرق
ده شط ليك و انت فى وسط المياه
ده بوصله ليك لما تتوه و تفقد اتجاهك فى الحياه
ده رايه حمرا ، تطرد بيها ذكريات وجعاك
ده حاجات كتير حلوه و محدش عاقل يضيع من أيده حاجه حلوه
اقرأ للكاتبة :
