يوميات دينا ابو الوفا … عارفين
الزواج و نجاحه من فشله من المواضيع اللى بيكتر عليها النقاش و تختلف فيها الاّراء و التحليلات ….
ايه أسباب نجاحه و ليه ساعات كتير بيفشل سؤال يستحق وقفه …
و هل الجواز بعد قصة حب ملتهبه يضمن نجاحه ولا الجواز بعد قاعدة صالون مجمده، تؤدى الى فشله …
من وجهة نظرى و بناءاً على كل قصص و تجارب الزواج اللى شفتها حوليه على مدى السنين ، أقدر اقول و بمنتهى الثقه انه مش فارقه خالص !!!!
اه مش فارقه خالص الجواز أتبنى على قصة حب ملتهبه أو قاعدة صالون مجمده ،،،لان الموضوع اكبر من كده بكتير و عناصر نجاحه او فشله اكتر من ده بكتير !!!!
خلينا نبص لمشروع الجواز على انه اتيلييه ، محل ترزى يعنى !!!!!
و انه اى اتنين متجوزين ما هم الا اتنين ترزيه جوه المحل ده !!!!!
و الترزي الشاطر يقدر يعمل من اى خامات متاحه ليه فستان حلو ؟؟؟؟؟
ده لو شاطر !!!!!
والفستان الحلو ، عمر ما كان معناه ان الخامات كل مره لازم تكون بمواصفات معينه و لا ان القماش يكون أغلى حاجه و لا الشغل اللى فيه أشيك حاجه …..
الفستان الحلو يعنى الموديل يكون مناسب لصاحبه ، مقاسه مظبوط ، انيق ، متناسق ، حتى البساطه مطلوبه فيه علشان يكون حلو !!!!!
فى الجواز نفس شىء مش كل اتنين متجوزين ظروفهم واحده و لا مواصفاتهم واحده و لا العناصر المتوفرة ليهم واحده و برغم كده بنلاقى جوازات كتير ناجحه و سعيده ……. .
كل و احد و ظروفه !!!!!!.
مش مهم الجواز ابتدى بقصة حب وهميه ولا بمرور الوقت اتكونت بينهم عشره ، مش شرط أوسع بيت ولا أشيك فرش ، مش ضرورى فيه ولاد ولا ربنا مرزقش ، مش مهم أغنيه و عايشين ببذخ و لا حياتهم ع الأد ،
مش مهم أى حاجه !!!!
المهم باللى متاح ليهم ، مستعدين يفصلوا حياه جميله و لا لأ،
المهم هيكونوا ترزى شاطر ولا لأ
اقرأ للكاتبة :
انت و اللحظه اللى بتعيشها !!!!
