خواطر ناديا سليم
ساعات لما بنحب ما بنعرفش نعبر بالكلام..
بس الحب ده بيبان في حاجات تانيه..مثلا انك تحب تبقي بالقرب منه. ..تحب تسمع صوته أو تسمع حد بيجيب سيرته..
لما كل شوية تبص في موبايلك ، وتتمني انه يكون سايب لك كلمة..دا غير السكته القلبية اللي ممكن تجيلك لو طلبك وسمعت كلمة ألو…وتموت لو يوم ماعرفت عنه خبر..
وممكن الحب ده يكون في شكل خناق ، وجر شكل ، واختلاف في كل وجهات النظر…بس اهو تتلكك علشان تتكلم معاه …
حتي لو هتتخانق بس تسمع صوته…
فيه ناس بتبقي غبية مش بتفهم الكلام ده كله وتطول في الخصام والبعاد وتروح بعيد لحد تاني…
وفيه ناس تانيه بتتغابي فاهمة كل حاجة بس عاجبها الحالة وحابة لعبة القط والفار ومبسوطين ومطولين…
وفي ناس تانيه خالص تلاقيها في عز الخناق … يسكت ويقولها انا عاوز اقولك حاجة…بحبك…
هنا بقي بتبدأ أجمل قصة حب في الدنيا ..
#ماتنكروش_الحب
اقرأ للكاتبة :
الحب لمن يستطيع ان يدفع ثمنه ..
