يوميات دينا ابو الوفا … عارفين
الشخص الناجح له صفات كتير بتميزه و يتعرف بيها ….
منها انه ذكى ، مجد ، مجتهد ، صبور ، حمول ، باله طويل ، بيخطط كويس ، واثق من نفسه ، و حاجات تانيه كتير
بس فى صفه أساسيه بتغفل عننا دايما و لو بنفكر نكون ناجحين فى حياتنا ، لازم تكون فينا
عارفين ايه !!!!!!!
اننا منعتمدش بشكل دائم و مستمر على الحوافز الخارجيه ، على حد يقول لنا برافو ، احسنت ، استمر ، الله ينور
مش بنكر ان لو كل ده موجود يبقى بختنا حلو قوى
طيب لو ملقيناش اللى يشجعنا كده باستمرار ؟!؟
لو مفيش اللى كل شويه يضخ فينا شويه ثقة بالنفس
لو مش موجود اللى يمدنا بطاقه ايجابيه تدور تروسنا !؟؟،
نعمل ايه !! نستنى الفرج مثلا ،،،
لا طبعاً … الشخص الناجح بقى مش بيستنى كل ده
عارفين ليه ….
لانه عنده مخزون داخلى كبير من تحفيز الذات …….
و عنده طاقه متجدده دائماً تخليه يستمر بلا توقف ……
تخليه فى اصعب الظروف يقعد مع نفسه ، يكلم نفسه ، يشجع نفسه ، يحفز نفسه ، و يتجاهل كل السلبيات اللى حوليه
باختصار الشخص الناجح عنده اكتفاء ذاتى ..،،،،
اقرأ للكاتبة :
