يوميات دينا ابو الوفا … عارفين
أحد مطالبنا الأساسيه اول ما شخص يدخل حياتنا ، هو انه يحترمنا ….
يحترم كل حاجه تخصنا …
يحترم وجودنا و غيابنا ، يحترم شخصيتنا وابعادها ، يحترم احتياجاتنا ، يحترم حدودنا و خطوطنا الحمرا …
لكن قليل ما بنفكر ان لينا دور كبير فى فرض ذلك الاحترام اللى بنسعى ليه …
مش دايما بيكون سهل قراءة شخصيتنا ولا معرفة مفاتيحها !!!!
لازم نوضحها ومن الاول ، علشان اللى اأوله شرط اخره نور …
علشان لما تحب تحاسب حد ، تعرف تحاسبه حساب عسير …
لانه المفروض فاهم و ذاكر الدرس و معاه كل الاسئله و إجاباتها النموذجيه ….
لكن الحقيقه من اهم الحاجات اللى لازم نعملها ، هو اننا نرفض رفضا باتاً قاطعاً وضعنا فى المنطقه الرمادية فى حياة اى شخص …
ان نكون غير مصنفين !!!!!!
ان نقع عندهم فى منتصف العصا !!!!!!
فى منتصف المشاعر ، فى منتصف العطاء ، فى منتصف التقدير …
علينا ان نحترم أنفسنا ، الا نرضى بالقليل …
غير مقبول…
اما ان تكون او لا تكون …
اقرأ للكاتبة :