يوميات دينا ابو الوفا … عارفين
من اجمل الأحاسيس اللى ممكن نحسها فى الدنيا، اننا نحس ان لينا قيمه بين الناس …..
و القيمه اللى بقصدها ،مش القيمه اللى بنكتسبها بفلوسنا الكتيره ، و لا القيمه فى مركزنا المهنى العالى ولا القيمة بالبيت الجميل اللى ساكنينه و لا القيمة فى العربيه الغاليه اللى راكبينها و لا القيمه بلبسنا اللى كله ماركات عالميه ….
لا خالص ……
كل ده بجد ولا حاجه لأن قيمتنا مش المفروض نستمدها من عناصر خارجيه ماديه قابله للزوال لانه اكيد بزوالها تزول قيمتنا …….
القيمه الحقيقيه لينا هى قيمتنا المعنويه ……
احساس رائع ان مجرد غيابنا ولو ايام يفرق مع الناس المحيطين بينا و إننا لما نغيب يحسوا بحاجه مهمه ناقصه و قيمه مفقوده …..
قيمة وجودك اللى بينشر السعاده و الفرحه و البهجه و التفاؤل …
قيمة آرائك اللى بينتفع منها الاخرين ، قيمة حديثك الناضج الصادق الدسم ، قيمة شخصيتك و كل ما تحمله من صفات تترك اثر جيد عند الناس …..
اذن ، قيمتنا الحقيقيه ، هى فى البصمه اللى بنتركها فى اذهان و عقول و قلوب وحياة الاخرين …
اقرأ للكاتبة :
